🔹 1-топ: Мемлекеттік аумақ және оның морфологиясы
1. Мемлекет аумағына нақты нелер енеді?
Шегаралар аралығындағы құрлықтың бөлігі, жер қойнауы, ішкі және аумақтық сулар мен олардың үстіндегі әуе кеңістігі енеді.
2. Мемлекет аумағы қандай ресурс ретінде сипатталады?
Аса маңызды геосаяси ресурс ретінде сипатталады.
3. Аумақтың морфологиялық ерекшеліктері қандай маңызды рөл атқарады?
Ел аумағын игеруде, экономикалық дамуда және мемлекеттік шегаралардың қауіпсіздігін қамтамасыз етуде маңызды рөл атқарады.
4. Халықаралық ұйымдарға мүше болу мемлекет егемендігіне қалай әсер етуі мүмкін?
Іс жүзінде мемлекет бұл ұйымдар тарапынан өз егемендігіне қатысты кейбір шектеулерге тап болуы мүмкін.
5. Аса ірі мемлекеттердің жекелеген бөліктерін игеруде қандай қиындықтар кездеседі?
Қатал табиғат жағдайлары, көлік қатынасы және әлеуметтік-экономикалық құрылымдарды салуда көбірек шығын жұмсау қажеттілігі туындайды.
6. Ресей Федерациясының қай бөлігі азиялық бөлігіне қарағанда күштірек дамыған?
Еуропалық бөлігі күшті дамыған.
7. Аумағы кіші мемлекеттерде қандай проблемалар туындауы мүмкін?
Ресурстар тапшылығы, халық тығыздығының артуы және әлеуметтік мәселелер туындауы мүмкін.
🔹 2-топ: Мемлекеттердің жер аумағы және микромемлекеттер
1. Мемлекет жерінің ауданы қандай салаларға ықпал етеді?
Мемлекеттің сыртқы саясатының сипатына және ұлттық геосаяси мүдделеріне ықпал етеді.
2. Дүниежүзі бойынша жерінің ауданы ең ірі 9 елді атаңыз.
Ресей, Канада, Қытай, АҚШ, Бразилия, Австралия, Үндістан, Аргентина және Қазақстан.
3. Ауданы ең ірі 9 ел адам қоныстанған құрлықтың қанша пайызын иемденеді?
Бірігіп, құрлықтың 55,8%-ын құрайды.
4. Микромемлекеттер деп қандай елдерді атайды?
Жерінің ауданы 30 мың шаршы шақырымнан аспайтын мемлекеттерді атайды.
5. Еуропадағы «ергежейлі» және Мұхит аралдарындағы микромемлекеттерге қандай елдер жатады?
Ватикан, Монако, Лихтенштейн, Мальта, Андорра, Мальдив Республикасы, Науру, Тувалу және т.б.
6. Ұсақ мемлекеттердің алып жатқан жалпы аумағы қанша пайызды құрайды?
Адам қоныстанған құрлықтың бар болғаны 1,3%-ын құрайды.
7. Аумаққа баға беруде қандай жерлер ең алдымен ескеріледі?
Тиімді аумақтар (мысалы, Австралияның 1/3 бөлігі шөл, ал Ресейдің 3/5 бөлігі қатал табиғатты болғандықтан, игерілуі тиімді жерлер ескеріледі).
🔹 3-топ: Географиялық орынның ерекшеліктері мен түрлері
1. Мемлекеттің географиялық орны жалпы нені сипаттайды?
Оның сыртқы ортамен қарым-қатынасын сипаттайды.
2. Физикалық-географиялық тұрғыдан мемлекет орны қалай бағаланады?
Координаталар торындағы және нақты физикалық-географиялық кеңістіктегі орнымен анықталады.
3. Экватор сызығы қанша елдің аумағын кесіп өтеді?
13 елдің аумағын кесіп өтеді.
4. Экономикалық-географиялық орын қалай анықталады?
Экономикалық кеңістіктегі жағдайы мен маңызды нысандарға қатысты анықталады.
5. Саяси-географиялық орын қандай тұрғыдан бағаланады?
Мемлекет аумағының саяси тұрғыда маңызды нысандарға қатыстылығы бойынша анықталады.
6. Бейтарап елдермен көршілестік мемлекетке қандай пайда әкеледі?
Оның геосаяси жағдайын нығайта түседі.
7. Геосаяси жағдайға не кері ықпал етеді?
Саяси тұрақсыздық тән аумақтармен көршілес орналасу мемлекетке кері ықпал етеді.