🔹 1-топ: Геосаясаттың негіздері мен мақсаты
1. «Геосаясат» терминінің авторы кім?
Швед ғалымы Рудольф Челлен.
2. Рудольф Челлен мемлекетке қандай анықтама берген?
«Кеңістіктегі географиялық ағза» деп анықтаған.
3. Челленнің пайымдауынша, геосаясат дегеніміз не?
«Мемлекет туралы ілім».
4. Мемлекеттің нығайып, күшеюі үшін Челлен қандай саясаттарды жүргізуді қажет деп есептеді?
Экономикалық, демографиялық, әлеуметтік және әскери саясатты.
5. Қазіргі заманғы геосаясаттың басты мақсаты қандай?
Мемлекеттің геостратегиясын анықтап, тұжырымдау.
6. Қазіргі әлемдік саясатта мемлекеттің орны ең алдымен немен анықталады?
Оның экономикалық қуатымен.
7. Қазіргі кезде геосаясатта бұрынғы физикалық-географиялық факторлардың орнына қай факторға көп көңіл бөлінеді?
Экономикалық факторға.
🔹 2-топ: Әлемдік тәртіп және геосаяси зерттеулер
1. Жаңа әлемдік тәртіптегі көпполюсті әлем қандай белгілермен сипатталады?
Экономикалық фактордың алғашқы орынға шығуы, интеграциялық және сауда одақтарының қалыптасуы, ғаламдық деңгейде қарама-қарсы жаңа топтардың пайда болуымен.
2. Әлемдік тәртіптің моделі қандай негізде құрастырылады?
Ғаламдық деңгейдегі әскери-экономикалық, саяси күштердің кеңістік шекараларын айқындау және болжам жасау негізінде.
3. Дүниежүзін геосаяси тұрғыда аудандастыру неге сүйенеді?
Әлемдегі жетекші геосаяси күштердің ықпалды аймақтарын жіктеуге.
4. Мемлекет өзіне әсері болатын геосаяси субъектілер туралы стратегиялық болжамдарды не арқылы жасайды?
Геосаяси кодтарды жасау арқылы.
5. Геосаясат мемлекеттердің қарым-қатынастарын қандай байланыстар тұрғысынан зерттейді?
Саяси, экономикалық және әскери-стратегиялық өзарақ байланыстар тұрғысынан.
6. Геосаясаттың негізгі зерттеу пәні не болып табылады?
Алуан түрлі аумақтық модельдері бар, аса күрделі дүниежүзінің геосаяси құрылымы.
7. Геосаясаттың ғылыми негізі қай ғылымда жатыр?
Географияда.
🔹 3-топ: Геосаяси категориялар мен кеңістікке бақылау
1. Белгілі бір уақыт кезеңінде әлемдегі геосаяси күштердің арасалмағын бейнелейтін құрылым қалай аталады?
Әлемдік тәртіп ұғымы.
2. 1991 жылы Кеңес Одағының ыдырауы әлемдік тәртіпті қалай өзгертті?
Екі полюсті әлем көпполюсті сипат алды.
3. Геосаясаттың аса маңызды ұғымы ретінде мемлекеттің ғаламдық, аймақтық және жергілікті деңгейдегі жағдайын анықтайтын не?
Геокеңістік.
4. Ресей геосаясатшысы К.Э.Сорокин «геокеңістікке бақылау жасау» ұғымын қай түсінікпен байланыстырады?
Экспансия түсінігімен.
5. К.Э.Сорокиннің пайымдауынша, экспансия қандай түрлерде көрініс табады?
Әскери агрессия ғана емес, ақпараттық, мәдени, діни, саяси, экономикалық түрде болады.
6. Қазіргі таңдағы әлем қандай күрделі жүйеден тұрады?
Кикілжіңдер мен ынтымақтасудың күрделі жүйесі.
7. Ірі ұлтаралық бірлестіктер басқа елдерде өз бөлімшелерін ашу арқылы қандай мақсатты көздейді?
Бір жағынан экономикалық дамуға қол жеткізуді, екінші жағынан сол елдердің экономикасына ықпал етуді.