🔹 1-топ: Адам дамуының индексі және экономикалық өсу
1. Ұзақ жылдар бойы қоғамдағы басты құндылық ретінде не саналды?
Материалдық байлық.
2. Бұрын қоғам дамуының негізгі көрсеткішінің бірі деп не есептелетін?
Экономикалық өсу.
3. Жан басына шаққандағы ЖІӨ көлемінің артуы халықтың несін арттырады деген сенім болды?
Халықтың әл-ауқатын арттырады деген сенім болды.
4. Қоғамдық дамудың мақсаты мен адамның орны қай кезеңде (ғасырда) қайта қаралды?
ХХ ғасырдың 80-жылдарында.
5. АДИ көрсеткіштері қай ұйымның ұсынған арнайы әдістемесі бойынша есептеледі?
БҰҰ ДБ (БҰҰ Даму бағдарламасы).
6. АДИ рейтингісінде орташа әлемдік көрсеткіш қаншаны құрады?
0,694-ті құрады.
7. БҰҰ ДБ 2017 жылғы рейтингісінде Қазақстан қандай көрсеткішпен нешінші орынды иеленді?
0,800 көрсеткішімен 52-орынды иеленді.
🔹 2-топ: АДИ-ді есептеудің негізгі көрсеткіштері мен өлшемдері
1. АДИ-ді есептеу барысында неше түрлі көрсеткіш ескеріледі?
3 түрлі көрсеткіш ескеріледі.
2. Демографиялық бағытта маңызды интегралды көрсеткіш ретінде не алынады?
Күтілетін өмір жасының ұзақтығы.
3. Туылған кездегі күтілетін өмір жасының ұзақтығы неше жастағы көрсеткішпен түсіндіріледі?
0 жастағы күтілетін өмір жасының ұзақтығы түсіндіріледі.
4. Ғалымдар адамның одан әрі дамуының іргетасы ретінде нені қарастырады?
Сауаттылықты.
5. Статистикада «сауаттылық» деп адамның қандай қабілетін атайды?
Күнделікті өмірге қатысты қысқа, қарапайым мәтінді оқи білу, түсіну және жаза білу қабілетін.
6. Сауаттылық индексі көбінесе білім берудің қай деңгейін сипаттайды?
Бастауыш білім берудің даму деңгейін.
7. Табыс деңгейін өлшеуде халықаралық деңгейде қандай көрсеткіш қолданылады?
Тұтыну қабілетінің паритеті бойынша АҚШ долларымен берілген жан басына шаққандағы жиынтық ұлттық өнім (ЖҰӨ).
🔹 3-топ: Кедейшілік және гендерлік теңсіздік индекстері
1. Табысты өлшеумен салыстырғанда кедейшілікті неғұрлым толық бейнелейтін индекс қалай аталады?
Көпшамалы кедейшілік индексі (ККИ).
2. Көпшамалы кедейшілік индексі (ККИ) факторларды қандай деңгейде қарастырады?
Шаруашылықтар деңгейінде қарастырады.
3. ККИ бойынша кедей адамдардың үлесі ең жоғары елдердің барлығы қай материкте орналасқан?
Африкада орналасқан.
4. Абсолютті көрсеткіштер бойынша ең көп кедейлер қай аймақта тұрады және оның 612 млн-нан астамы қай елге тиесілі?
Оңтүстік Азияда тұрады, оның ішінде тек Үндістанда ғана тұрады.
5. Гендерлік теңсіздік индексі (ГТИ) ерлер мен әйелдер арасындағы мүмкіндіктерді неше өлшем бойынша бағалайды?
Үш өлшем бойынша (репродуктивті денсаулық, құқықтары мен мүмкіндіктерінің артуы, еңбек нарығындағы мүмкіндіктері).
6. 2016 жылғы ГТИ рейтингі бойынша гендерлік теңсіздіктің ең төмен деңгейі қай елдерде байқалды?
Швейцария, Дания, Нидерланд.
7. Жыныстардың теңсіздігін ескеретін даму индексінің басты ерекшелігі қандай?
Үш көрсеткіштің ерлер мен әйелдерде қаншалықты айырмасы үлкен болса, соғұрлым көрсеткіш төмен болады.